رحموا حالكم يالوطنية

الشركة الوطنية للاتصالات
للامانة، عندما أرى اعلاناتهم في الطرقات، والله، أحس أن لديهم انفصام في الشخصية !!!!
خياليييين
مو عايشيين في الجو !! مالهم شغل لا في زين و لا
viva

إعلاناتهم غريبة !!
دائماً أستغرب من رسائلهم في الإعلانات !!
أحس أنهم مو فاهمين نفسهم
و موعارفين شلون يجلبون أموال ومشتريات لهم
يا ليتهم بس يستشيروني
:p

الحين ..
انا كنت اشوف في الشارع في نفس الوقت
اربح رصيد إضافي إلى نهاية الشهر
و اعلان اخر اربح رصيد مدى الحياة
انا .. و لست عميلة لديهم .. أحسست بالضياع !!
شلون ؟؟ انا اختار اذا ابي إلى نهاية الشهر او مدى الحياة ؟
تعقــــــــــــيـــــــــد !
wataniya-s
حتى الاعلان في الاذاعة والله احتاج اركز عشان افهم
انزين
اذا معقدين جذي
حطوا اعلان واحد
و الثاني عقب
او فرعي من الاول
يعني الاول ياخذ الصدارة والثاني مكمل .. يعني بالأفرع .. بمركز الاتصال .. مادري هناك مليون حل!

والله انا الي يعور قلبي الفلــــــــــــــوس التي تصرف على الإعلانات الهائلة في الشارع وانا شفت الاسعار فحدي قمت احتر من الي يعلنون و حرااااااااام الاعلان خربوطي او مو مفهوم او مو مدروس والله حرام احس ممكن يطلعون ملايين لو بس شوي اهتموا في الاعلان الصحيح !


يعني امانة شنو راح يكون مستقبلهم ؟ اذا اهما بين زين و بين
viva

و لا لوحتهم الي تقول .. الوطنية
means business !!!!!!!!!!!!!!!!!

استغفرالله ، يارب اغفر لي
😀

الي زين يقولون انها مسوية قاعة مسميتها قاعة الحرب .. يطلعون فيها أفكار لمنافسة فيفا وهذول  : (

مادري .. وينكم وين البزنس !! !

انا أكثر من مرة اتصل ابي افهم خدماتهم .. لكن الموظفين مايكونون فاهمينها !!
المصيبة ان لما شروهم شركة كيو تل ..
انا كنت مشتغلة مع الرئيس التنفيذي لكيو تل — يعني ترى انا كشخه ديروا بالكم
و اجتمعت معاهم
وعرفت شنو مستواهم
بس انصدمت من خذوا الوطنية ماصار شي طيب
يمكن اتوقع اني سمعت انهم سووا الدفع من الموقع!
تخيلوا توهم !! لا وبعد هذا اذا صار @@ يعني كأنهم ضامنين عملائهم !! مادري صراحة !! طيب.. هذي الحملة ما قدرت صراحة ما أتكلم عنها !! طبعاً أكيد الي يتصل راح يشرحون له .. لكن اذا كان الاعلان معقد العميل ماله خلق يفكر واريح له ان يوخر عن الشي الي مو فاهمه – نفسية العميل

المهم
الطامة الكبرى
حملتهم هذي

ولا بعد ترى فيها من سالفة الرصيد الاضافي

يعني سلطة اعلانات + حملات !!!

“لمكافأة جانبك الذي يحب التحدث”


wataniya-grl-s

wataniya-by-s

مرة ثانية، انا و ماني عميلة، قلت لما شفت هالاعلان

لا والله

تبون تقصون علي وتاخذون فلوسي

اي اي تبون تخلوني اتكلم اكثر عشان تحصلون مني فلوس !

يعني مالقوا طريقة ثانية غير هذي؟

العميل مو غبي

العميل يدري ان هالكلام مو صحيح

شنو يعني مكافأة جانبك الذي يحب التحدث ؟

عيارة حدهم !!

اشكره يبون العميل يتكلم اكثر

هذا و انا مو عميلة

فمابالك بالعملاء؟

يعني مسوين نفسهم طيبين بكافأون العملاء؟

:p

ابيه قطعتهم تقطع

بس صراحة هذا رايي فيهم بعد قلبي!!

شنو رايك في الحملة ؟ خاصة لمكافأة جانبك الذي يحب التحدث !!

تكفون بالوطنية استغلوا فلوسكم عدل و لا عطوني اياها

😀

*****

 

16 فكرة عن “رحموا حالكم يالوطنية”

    1. هلا اختي
      ههه يليت لو يت على الاعلان
      اهم شي الرسالة الي توصل لمخ العميل
      وحياج الله : )

      مساعد ..
      مايستحون صراحة !!!
      كل هذا ويسوون فيك جذي؟
      خل واحد من النواب يساعدك هذا وقتهم
      :PPp
      LOL
      بس اقولك غريبين هالشركة جد احسهم ضايعيين !!
      و اي شي 100 @@
      اهم شي !!
      ان شالله يسوون هالقرار : )

      وحياك الله و عليك بالعافيه ^_^

  1. والله الوطنية حالتهم حاله ..

    أنا من أوائل العملاء عندهم .. حتى رقمي ماخذه من مكاتب الموظفين عندهم مو من نقاط بيع مباشره لأنهم توهم كانوا فاتحين يعني من تأسيس الشركة ..

    و المبالغ أدفعها مقدم و فاتورتي متوسطها 50 دينار .. ذاك اليوم أكلمهم أقولهم ماكو عروض لعملائكم القدامى و اللي يدفعون أول بأول و مرات وايد مقدم ..

    طبعاً ماكو رد و قالوا لازم فاتورتك الشهرية تطوف ال100 علشان (يمكن) يعتبرونك VIP !!

    المشكلة رقمي عند وايد ناس أصلا ضاعت أرقامهم من عندي و بالكويت ما تقدر تنقل رقمك لمشغل ثاني .. ناطر بس إقرار قانون هيئة تنظيم سوق الإتصالات و أسلم عليهم ..

  2. أجهل كيفية وصولي هنا؟!
    لكن على علم بأن الصدفة حملتي إلى مكان رائع بحق!!
    يحوي في جنباته العديد من التدوينات الرائعة!
    عن عدة أمور متباينة!

    لا تعليق لي على هذه التدوينة .. !
    سوى الشكر على ما تقدمينه ..!! [=
    والذي يشكل لي نموذج للتدوينات الناجحة، فمبا أني مستجدة في عالم المدونين .. فقد ظللت أرفرف بين أحرف وفكر الآخرين.. لأرى الاختلافات والتوجهات والاهتمامات ، فأتعلم مما أرى!
    لكِ الشكر تكراراً ..!
    ومن الدعاء أصدقه بأن ينفع الله بكِ ، وينفعك بكل ما هو خير ..!
    =)

  3. صح احسهم صج ضايعين

    اول ما انتقلت ملكية الشركه لشركه ثانيه

    قاموا بتغيير نوعية الموظفين لتخفيف المصاريف

    و الاعلانات احسها ضايعه صج

    و اوافقج على الكلام اللي قلتيه

    زين اعلاناتهم عجيبه

    و فيفا احس اعلاناتهم ممله

    و الوطنيه ضايعه باعلاناتها

    انا من زمان وياهم لان احس شبكتهم زينه ماشاءالله

    و خلاص تعودت عليهم

    الله يعلم من الياي

    مع السلامه

  4. Fun With English
    حتى العربي فن ترى D:

    حياك الله : ))

    الحارث بن همام ..
    لما وصلني الايميل الي فيه تعليقك
    جذي قريت و يهي سيدا 😐
    لوول
    لاجزاء من الثانية اخترعت
    جان اضحــــــــــك
    لول
    قوله ارفع قضية وتعال سلّم على ميّ اذا خذيت حقك ^_^

    الحلوة .. مشكوره وماقصرتي : ) حاضر حستمر ماتألأيش 😛

    أعذب بسمه ..
    اسمك المستعار جميل كـ كلامك الطيب 🙂

    وصلت لأنك محظوظة جداً ^_^ (ههه)
    شكراً لك .. وشكراً لدعائك .. وحياك الله في عالم التدوين، وسترين الكثير والكثير من أبناء العرب الذي حقاً تفخرين بوجودهم في هذا العالم الذي ظل يقول ان العرب وان العرب !

    وفقك الله ووفق كل مسلم يسعى لخدمة أمته : )

    Mr. Chocolate
    حياك الله كاكاو

    شفت شلون !! يعني انت تشوف مثل نظرتي لهم @@ شي عجيب ;/

    زين حلوة اعلاناتهم .. و فيفا احب عباراتهم الي يكتبونها ، و لو اني انطر اللحظة الي اسألهم عنها او أسألهم يرعون برنامج معين يتفق وعباراتهم الي يحطونها مثل .. أحقق احلامي .. مغامرات .. نجاح .. انجاز .. الخ ويقولون لا عشان اعرف انه كلام فاضي ولمجرد جذب الشباب! =)
    وملاحظتي على اعلانات فيفا التالي.. لما حطو فيفا انترنت متنقل .. كانت هالجملة مثل اي شركة ثانية! انترنت متنقل! فالي يبونا فيفا ان يدخل في مخ المستهلك ان انترنت متنقل = فيفا ماتوقع راح يصير! ليش؟ لان اكو هالجملة مرتبطة بـ زين من قبل في مخ العميل! فصعب التغيير! فاحس هالحملة حرام ماضبطوها على الرغم من اعلاناتها كانت هائلة!
    عبجتني الدعاية الي بالاذاعة! “من وين تبي تشبك”؟ واحلى شي “بابا وكمان في النادي” 😀

    صح ترى الوطنية شبكتهم جديدة كليا (من اول مابدوا بخلاف زين) يعني كلها ديجتال! لانها قبل كانت للصباح فاول مابدوا نادو خبير الماني وقال ما اشتغل الا لما تجددون الشبكة كلها!

    و حياك الله ومع الف سلامة =)

  5. هم ما يبون شي غير إن الناس تتكلم عنهم، وبنظري نجحوا وتدوينتكم هذه أكبر إعلان لهم..
    أنا أستخدم خط للوطنية كافين خيرهم وشرهم عني لا أدق عليهم ولا يدقون علي، لا أبي خدماتهم ولا يبون يسمعون صوتي، خطي شغال بكل مكان بالعالم وبوضوح تام وهذا إلي يهمني.

    بعكس فيفا إلي تمرمطت معاهم وما سوت علي فتحت عندهم خط، أغلب الدعم الفني شباب وما عندهم لا أسلوب ولا خبرة.

    على فكرة أنا ما أشتهي الوطنية ولا فيفا ولا زين، ولو بيدي لسويت شركة إتصالات رابعة أسمها الكويت. شكراً : )

    1. حياك الله أخ تركي
      هههههه
      ما أظن انا قلت شي يخلي القارئ يركض يركض يركض يركض يركض يركض يركض
      ويدخل فرع الوطنيه
      هــه هــه هــه (يتنفس)
      لو .. هــه .. ســ هـــه محت
      هـــه
      أبي
      هـــه هـــه
      خدماتكم
      تكفووون
      ماقدرت استحمل ما اييكم
      😀
      كلش يعني
      LOOL

      فيفا انا سمعت ان شبكتهم مو زنية، بس ماندري الايام شتييب لنا =)

      ويالله افتح شركة واحنا نشجعك
      😀

  6. لووول مي!!

    أنا الي ضايعة ابي شركة سنعة.. لا زين البواقين و لا الوطنية المساكين و لا فيفا newborn baby!

    ابي حل شلون؟؟ كل فلوسي رايحة على هالموبايل :@ شدعوة الدقيقة ب 40 فلس!!!

  7. واي ماكو شعل
    صج ميونه لنا شفت اعلانهم الي البنت لافه شعرها وتذكرت ايام الفافات
    بس مافهمت شي
    شنو يبون؟؟؟؟؟؟؟؟؟؟؟؟؟؟؟؟؟
    سبحان الله الاعلان فن ويدرس و مرات تشوفين صوره تصلك اسرع من مقال طويل
    وهذا كان رأي في اعلانات الشوارع
    ا
    وانا رأي ان الوطنيه تكتفي بأعلاتها الاحمر وحرف w كافي الناس عرفوها منه وبالنسبه لخدمتهم
    ما جربتها لكن الله يعوضنا خير
    والي ضحكني كنت في مستشفى زين للاتصالات للاذن والانف والحنجره
    وسمعت تعليق احد المرضى :
    يخربون اذونا ويسون لنا مستشفى للاذون وكله من فلوسنا

  8. لوووووووووول خالتي !!
    حدا ماكو شغل

    تصدقين ما انتبهت حق اللفافات ؟ لووول
    صح كلامج .. التصميم عالم احترافي مو شويه فمابالك بالاعلان ! لكن الحين عندنا الكيلو بربع على قولة ابوي 😀
    لوولل حلوة منج كافي منهم حرف الواااو : ))

    صج !! اي والله كله من فلوسنا D: ذكي هالريال ما صدتها والله P:

    ونستيني بزيارتج والله :*

اترك رداً على مـيّ إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *