| by mai | 31 تعليق

انســــــــــــانية ! ZAIN

images

لا أدري لم ..

في كل مرة أرى فيها هذا الإعلان ..أتأثر ..

لأني أرى، كيف أن الطفل، قد حسّ بالرجل العجوز .. و من ثم ذهب و قدم له مساعدة .. بحسن نية و بطيب قلب .. و بدافع المساعدة لا أكثر .. و من ثم تأتي اللحظة المبكية ;( و التي يجازي بها صاحب المحل الطفل، بأن أعطاه حلوى كثيرة! و قد اندهش الطفل لأنه لم يتوقع ذلك تماماً .. فمن أمارات وجهه أنه فعلها لوجه الله، لا يريد جزاءً و لا شكوراً ..

عسى الله أن يحفظ هذا الطفل و يبقيه لأهله ذخراً ..

يا ليت كل فعل الخير يأتي بهذه الطريقة .. عسى الله أن يجعلنا أمثال هذا الطفل الصادق البريء في فعل الخير للناس..

لمن لم يشاهد الاعلان ..

أعتذر لدي مشكلة في الفيديو هنا

في شي لاحظته من كثر ما شفت الدعاية، لاحظوا لما يطلعون من المحل و بيدهم علبة الحلويات، الي لابس أصفر ما حصله يدخل ايده، فطالع الكاميرا.. حرام حياتي كسر خاطري D:

31 تعليق

Salah

16 سبتمبر 2008 at 12:57 م رد

True.. nice ad… I liked it

سالم الامـــارات

16 سبتمبر 2008 at 1:44 م رد

انا اجوف صورة زين للاتصالات؟؟؟
شو ياب الطفل والعجوز في زين؟؟

قصدج ان شركه زين احسن شركه ولا شو؟؟؟

ميّ

16 سبتمبر 2008 at 2:26 م رد

صلاح .. حياك الله ! اي والله صاج ..

سالم، شوف الرابط الله يرضى عليك D:

مثل الي ما حل الواجب و يجادل الاستاذ بالاجابة P:

شوفه و راح تفهم ، و تحليلك صحيح، من وجهة نظر الشركة، و الرؤية الي يبون يوصلونها للناس : )

Manal

16 سبتمبر 2008 at 6:59 م رد

احبها الدعاية وايد حلوة

طريقة حلوة في الاعلان

🙂

مساعد

16 سبتمبر 2008 at 7:18 م رد

حلوة ..

و دعاية قطورة الخاصة بزين كذلك جميلة 🙂

ميّ

16 سبتمبر 2008 at 8:28 م رد

قطورة اتينن D:

شوف الفيرجن الكامل ! الي بالتلفزيون و لا شي نتفه !

و طبعاً عندي اياها من مصادري الخاصة مو من YouTube جان تبيها p:

ابراهيم

16 سبتمبر 2008 at 9:14 م رد

السلام عليكم ورحمة الله وبركاته وكل عام وانتي بخير اخت مي

طبعا انا ابراهيم الي تعرفينه عموما كنت ياي بسلم عليج وبدردش معاج
وبعلق على الدعاية الي صحيح دعاية فيها الخير الكثير وتشد الواحد
وبصراحه الدعاية الي تطلع فيها شاب رايح الدوام بعدين يروح حق محل ملابس ويشتري للحارس قميص هم تعجبني وايد وسلامتج

وانا هاليومين كنت رايح معرض كتاب في رابطة الادباء وباقي على هالمعرض يومين عموما هالمعرض في شغله حلوه في كتب لبنات من مدوناتهم الخاصه عبر الانترنت وقامو يقدمونها على كتب وشي جميل واتمنى اي اليوم الي اشوف مدونتج واشتريها وتوقعين عليها بعد 🙂

وعندي سؤال شلونج مع برامج رمضان والحين شنو تقرين من الكتب

وهل قريتي كتاب ريم القناعي بصراحه مذكراتها حلوه
وشنو رايج بالروائية علياء الكاظمي

بالمره اليايه بكتب اسمي ( ابراهيم الهندال ) علشان ما اذكرج فيني كل مره اوكي

ميّ

16 سبتمبر 2008 at 9:50 م رد

حياك الله اخ ابراهيم .. اي عرفتك الي علقت عند موضوع كتاب النصرالله صح ؟!

حياك الله ..

صج ؟ ما دريت عن المعرض والله : ) و اي صح كلامك، وايد طلعوا من مدوّناتهم كتب ! و هذا شي اكثر من رائع، و أنصحك تشوف مدوّنة براك ، رابطها على اليسار ، نزلّه كتاب رائع مثل شعره !
و اكثر دولة او اكثر مدوّنين انتشروا في هالمجال، تدوين > كتب ، هي مصر !

برامج رمضان .. امم والله موقفه وايد اشياء برمضان .. قد ما أقدر .. لأنه كلها شهر نتقرب فيه من رب العالمين و ناخذ شحنة نفسية للسنة كلها : )

مو قاعد اقرا شي حالياً، واقفه شوي.. بس اليوم بديت في قراءة دراسة عن خدمة العملاء .. دراسة صغيرة .. و الكتاب الي وقفت عنده : السر + غير تفكيرك غير حياتك < بريان تراسي ! لا والله .. أول مرة اسمع فيها! شرايك تفتح لك مدوّنة و تكلمنا عن الروايات الي تقراها؟ ترى التدوين راح يكون محطتك الأولى اذا حاب تدخل عالم الكتابة اللذيذ ! و للامانه ما أعرف علياء الكاظمي، مثل ما قلت لك بدايتي كانت في قصص أطفال و من ثم قصص مترجمة إلى العربية، و بعدين اتجهت الى الكتب اكثر من الروايات، فما لي خبرة في كتاب الرواية العرب الا الشيء القليل جداً.. في انتظار مدوّنتك عشان تثقفنا : )) اوكي؟!

ابراهيم

16 سبتمبر 2008 at 11:09 م رد

اي انا ابراهيم الي بموضوع كتاب خالد النصر الله

بيني وبينج انا سالفة المدونات انتي اول وحده اشوف لها مدونة طبعا راح تستغربين من هالشي بس انا شوي ما لي بهالمجال بس الحين لا بابدا ان شاء الله وانا من شهرين كنت بمكتبة فيرجن ولقيت كتاب براك و ماتوقعت انه كان يكتب من مدونة وانا بس شفت اسمه بمدونتج دشيت وتاكدة انه اهوه نفسه صاحب الديوان وبصراحه فكره حلوه اني اسوي ديوان بس ما اعرف الطريقة لو تعلميني وتشرحين لي يكون احسن وبصراحه انا بدخل عالم الكتابة من اوسع ابوابه

ووصفج يوم قلتي عالم الكتابة اللذيذ حسيته قريب من القراءة الي بالنسبه لي الذ من الطعام في رمضان وسلامتج

ميّ

16 سبتمبر 2008 at 11:50 م رد

مو مشكله .. حوس بالمدوّنات و شوف في كل مدوّنة الي يعلقون و يشدونك ادخل مدوّناتهم و تعرف عليهم .. التدوين عبارة عن شبكة اجتماعية كبيرة !

بالنسبة لديوان الشعر ما أدري صراحه : ) ماعندي فكرة عن الشعر .. و ما يعجبني الا الشعر الي افهمه، بالضبط مثل شعر براك ..

التدوين راح يكون بداية قوية لك .. و دام ان القراءة عندك احلى من اكل رمضان، راح تستغرب من قدرتك الكتابية ان شالله ! لما تقوّي قلمك .. راح توصل لمرحلة يكون عندك ديوان ان شالله ! قدراتك شعرية ؟

ابراهيم

16 سبتمبر 2008 at 11:59 م رد

فهمتيني غلط مع العلم اني ما قلت اني احب الشعر

انا اقصد براك عنده كتاب اسمه ديوان براك لقيته من فترة بمكتبة فيرجن واتوقع اهوه نفسه صاحب المدونه لانها فيها اشعار واكيد اهوه نفسه

بس انا كانت لي تجارب بالشعر بس من زمان بالاخص الشعر الغنائي بس
ما اعتقد بنجح بالشعر على الرغم ان خوالي شعراء وامي من حافضي الشعر البدوي بس انا طالع على الوالد محب للقراءة اميه بالاميه واول ملهم لي ولاخواني على القرائة اهوه ابوي وانا اخوي قبل كان يكتب بجريدة الراي العام ومجلة العربي الصغير بس الحين قطع لضروفه واشغاله مع العيال والمسؤليات بس لازال يهوى الكتابة والقراءة ويحثني على هالشي

وانا ابي اعرف المدونه شلون اسويها هل اروح مكان ادفع فلوس ولا شلون هذا سؤالي

ميّ

17 سبتمبر 2008 at 12:04 ص رد

وي !

حسبالي تقصد ديوان : )

ابحث عن wordpress العربية .. و اتبع الخطوات السهلة لانشاء مدوّنة ..

ابراهيم

17 سبتمبر 2008 at 12:57 ص رد

انزين انا ابي تعلميني الطريقة

انا الحين نزلته بس ماني عارف شسوي بالضبط

Blog 3amty

17 سبتمبر 2008 at 1:14 ص رد

ما يسوون خير فينا ويخفضون سعر التعرفة والمالكات الدولية :s

ميّ

17 سبتمبر 2008 at 1:18 ص رد

ابراهيم .. ان شاء الله .. ابعث لي ايميل وين وصلت عشان اعلمك الطريقة .. و تراها سهلة 🙂

بلوق عمتي ..لوووول .. أتمنااااااااااااااااا

حلوة ! شرايك نرسل لهم ؟!

ابراهيم

17 سبتمبر 2008 at 2:08 ص رد

انا اتوقع المشكله الي عندي ماعندي وورد واكسس واكسل

لازم موجدين هالثلاثه ولا لا لانه يقولي

واملأه بإعدادات الاتصال بقاعدة البيانات ( وهالشي انا ماعندي قاعدة البيانات )

Turki Al- Fassam

17 سبتمبر 2008 at 9:15 ص رد

زيــن شي عجيب!
لما شفتها قلت حق أخوي، مرات تييك فكرة عجيبة بس ما تقدر تطبقها لصعوبتها، زيـن يطبقونها ويخلونها حقيقة!

كسب تعاطف الناس من أقوى الطرق التسويقية بنظري!
الإعلان يستاهل لفتة تدوينية.

ميّ

17 سبتمبر 2008 at 10:02 ص رد

ابراهيم ارسل لي ايميل و ان شالله نحل المشكلة

تركي حياك الله ! عجيب و الله صدقت ! لأن الفكرة عجيـــــــــــبة ! و على ما قلت كلها كسب تعاطف الناس !

ابراهيم

17 سبتمبر 2008 at 3:02 م رد

انزين وين القى ايميلج

Khalid

17 سبتمبر 2008 at 9:23 م رد

منو ما شاف هالدعاية أصلا !!

دعاية تحسب لصالحهم

نون النساء

18 سبتمبر 2008 at 9:31 ص رد

انسانيتهم على شاشات التلفاز فقط

وجشعهم ينهب بجيوبنا نهااااااااب …..

انكسرت ظهورنا من فواتيرهم ..

صايرين مثل عين عذاري تسقي البعيد … خصوصا اللي يشوف عروضها اللي تحر القلب بالكويت ماهبينا وبالسعوديه شهر عليك وشهر علينا

حسام بن ضرار

18 سبتمبر 2008 at 1:03 م رد

بغض النظر عن محتوى الدعايه

أثني على كلام نون النساء

و انسانيتهم انسانية فالصوا محشوه بالجشع و الطمع

عابر سبيل

19 سبتمبر 2008 at 2:29 م رد

ما يعجبني في هذه الدعايات هو حسن أداء الصغار لدورهم
فيجعلني ذلك أكرر المشهد

دعاية هادفة

أذكى سيرف

21 سبتمبر 2008 at 9:51 ص رد

أعجبتني المسكين اللي لابس اصفر

بس أحس انك متحمسة بزيادة مع ان الدعوة تمثيل ذكرتيني باللي يقولون ان مهند ولميس من طبعهم الرومنسية ما هو بس عشان التمثيل

ميّ

21 سبتمبر 2008 at 11:46 ص رد

ابراهيم .. في نموذج اتصل بي

خالد .. اي والله : )) و حياك الله

نون النساء .. صح ، لكن تظلين أنت المتحكمة في جعلهم ينهبون أموالك أو لا =) احنا نتكلم و نبي اب بلاش D:

حسام .. لا تقرق و ما راح ينهبون جيبك D: و انسوا منو الي سوا الدعاية .. النقطة الموقف الانساني النبيل : ))

عابر سبيل .. أوافــــــــقك الرأي ! الأطفال .. ما أحلاهم و أحلى براءة تعبيرهم !

اذكى سيرف .. شفت شلون : ))

صح تمثيل، انسى التمثيل و ركز على الموقف، احياناً نمثل من أجل توصيل قيم طيبة و جميلة .. و لا مانع من ذلك ( : لأن الذي مُثّل قد يتحقق في الواقع .. بخلاف مهند و نور أعاذنا الله من تفاهتهم !

كشك ملك

24 سبتمبر 2008 at 3:42 ص رد

الصغار دائما جذب للكبار

تحياتي

إيهاب

27 سبتمبر 2008 at 1:07 ص رد

اعلان رائع 🙂

Blog 3amty

29 سبتمبر 2008 at 2:47 ص رد

http://blog3amty.blogspot.com/2008/09/blog-post_28.html

😛

محسد

29 سبتمبر 2008 at 11:51 م رد

عيدج مبارك

وايامج سعيدة

Salah

30 سبتمبر 2008 at 3:44 ص رد

تقبل الله أعمالكم

عيدكم مبارك وكل عام وانتم بخير

JiBLaCiTY

11 أكتوبر 2008 at 9:44 ص رد

انا اقول ماعلى دعاية ابندارادو

والباجي اقطع واخس

:)))

اترك تعليقاً