قبل فترة… شفت بالشارع إعلان من الوطنية للاتصالات يقول ..
أضف *1 و اتصل على حسابه !!!!!!!!!
و هي خدمة، اذا ما عندك رصيد بإمكانك أن تتصل على أي شخص آخر و هو الذي يدفع تكاليف المكالمة !!
كنت أقول في نفسي “عيب” .. و الواحد يستحي ما يرد عليك اذا انت داق على حسابه !! هذي فيها احراج للعميل ترى!!! صج ! اهما حسبالهم مسوين خدمة للعميل عن طريق “اذا ماعندك رصيد” لكن العميل الآخر سببوا له احراج !!
و بعد فترة .. و لا الذرابة بعينها .. زين للاتصالات .. من نوع “الله لا يحيجك لأحد” .. اذا تبي رصيد نعطيك و يكون دين عليك ناخذه من الرصيد الياي الي بتحطه : ) بس ..
شرايكم بالفرق بين الشركتين ؟ : )) ذرابة و دفاشه أو رزة وجه D:
مع العلم ان في شركة 3rd Party تتعامل مع زين و تعطي خدمة انك تتصل على شخص من رقم شركة 22 شي جذي و الفاتورة عليه طبعا! لكن مو مباشرة من الشركة !! aBaiii
جان يردون عليهم الوطنية للاتصالات ! شقالوا؟ برقعون موقفهم المحرج !
حطوا إعلان يقولك: وفّر 60 دينار .. خدمة الانترنت المتنقل .. و الجميل ان خدمة الانترنت من زين قيمتها 60 دينار D:
شرايكوم بذكاء الوطنية؟ P:
هاهاها عجييب التحليل
بس للأسف راحت عليج إعلانات هالشركة في مدونتج 😛
شلون يعني ؟ D:
انا بصراحة ناطر الاتصالات الثالثة بشتري منها خط وبكشت بالوطنية وزين
لأن الثالثة ثااابتة هههه
حلو تحليلج ومتابعتج للموضوع
يعطيك العافية..
بس أسعدتيني بالفاصل الحلو، بعيداً عن التدوينات المتخصصة..
والله صج؟
إذا ضفت نجمة و 1 تكون تكاليف المكالمة عالمستقبل مو المتصل؟
أول مرة أسمع عنها!
انتي مثلي احب زين واكره الوطنيه
ما ادري ليش
صج احس انهم واااااااااااايد اذرب
خوش تحليل للخدمات اتصالاتيه p:
أنا مستغرب مثلج من دعاية الوطنية اللي الواحد يتصل على حساب الثاني !!
صراحة جد إحراج وصارت معي شخصياً واضطريت ارفع السماعة على حسابي ^_^
بس فعلاً التنافس بين شركات الاتصالات سواء عندكم بالكويت أو حتى عندنا بالسعودية شي عجيب
(أهم شي إنهم في جميع الأحوال يستنزفون العميل)
الله يعين بس 🙂
صالح .. حتى اهيا ناطرتك تشتري منها خط D: انا مستحيل أغير خطي، بس في نفس الوقت أنتظر الشركة بشوف شغلها !
و حياك الله ..
حكايتي و الزمن .. حياك الله : ) لا تتابع السلسلة؟
تركي الفصام .. حياك الله، يقولون الوطنية جذي! جرّب؟ انا تبع زين !
أم بيبي .. انت ليش تقلديني لوسمحتي؟ D: اي زين أذكياء أحبهم !
ماكو شغل، ما عندي الا تحليل الأجواء المحيطة !
خالد .. LOL اي أحس عيب [: مثل ربع إيزي الي يدقون رنه !
الأسطورة ! اي انا بعد صارت معاي مرة ، و المشكلة وحده ما أعرفها و كانت تبي شغله .. يعني جد عيب D:
اذا ما يستنزفونه شنو يسوون عيل؟ p: حياااج الله ..
قبل اتخاذ الفكرة في التسويق وطرحها لا بد من دراسة المشروع والإلمام بما تطرحه الشركات المنافسة لكيلا تسقط في مجال التبعية أو التقليد ..
وأيضا لابد من الشركة التي ستنزل اعلان ما أن تنظر لهذا الاعلان من جهة الجمهور المتابع وردة الفعل ..
للأسف نزلت الاتصالات السعودية اعلان وفي النهاية كان هذا الاعلان مسروق من أحد شركات الاتصالات الاندونوسية ..!!! ( شركة كبيرة تسرق )
عبدالعزيز .. مفروض الشركة من البداية ما تبوق !! لكن تدري شنو؟ أغلب الشركات الكبيرة تتعامل مع شركات خارجية لتصميم الدعايات الاعلانية، مو موظفين الشركة او قسم متخصص يسوي إعلاناتها، فيعتمد على رداءة أو حسن الشركة الي تسوي الاعلانات، و حسب المصممين و الموظفين الي يشتغلون !!
و الله فشلة على الاتصالات السعودية D:
ههههههه
بصراحة قوية P:
و يبتيها في الصميم
أحمد ! اي من الفضاوة مركزه على النقاش الإعلاني بين الشركتين p:
حط حيلهم بينهم
فخاااار يكسر بعضه
عسى الله يزيد المنافسة بينهم علشان نستفيد احنا
ويصير سعر الدقيقة بالسالب يعني اهما يدفعون لنا علشان نستخدم شبكتهم ونتكلم
:))))
باجر تطلع تكنولوجيا يديدة والله يبوسون ايدينا علشان نستخدم شغلهم
:))