ميّ ..
هلا دكتورة ..
شوفي ، جمعية المعلمين نادوني أمسك برنامج للطلبة و الطالبات .. و ودي تكونين معاي ؟
مخي كان دوامة من الضغط و الشغل و البرامج و الحوووووووووسة! بس ما قدرت أقول لا لأن شوقني .. و هم كنت مستحية وقتها أرد الدكتورة! لأني أبي أتعلم ! و كنت توني متعرفة عليها !
اي .. أبي ..
أوكي اليوم تعالي بالخمس ..
رحت ..
قعدت معاها .. يو طلبة و طالبات .. قابلتهم .. و قيمتهم بورقة .. شوي جان أقول .. أوكي فهمت السالفة ..
قابلت مجموعة .. و قيمنا .. و انتقينا مجموعة طيبة جداً جداً من الطلبة و الطالبات ..
بدينا بالأيام الي وراها .. أول يوم قالوا الطلبة الي عندهم و كتبنا آرائهم .. و حددنا المحاور الأساسية ..
الأيام الي عقب .. قسمنا الطلبة و الطالبات 3 مجموعات .. و كل وحدة مسكت مجموعة .. و دربتها ..
بدينا ندرب أحلى مجموعة من طلبة و طالبات الثانوية، و المتوسط .. لجلسة منظمة من قبل جمعية المعلمين الكويتية، جلسة برلمانية مع مدراء المناطق التعليمية و يدير الجلسة جاسم الخرافي و واحد نسيت اسمه صراحة .. و هذا الأمر أول مرة يحدث في العالم (أتوقع p:) ..
أيام التدريب، مجموعة مدوّنة ميّ، دائماً كانت المتوفقة D: و كانوا المجموعات الثانية يقولون، نبيكم تصيرون مثل مجموعة أستاذة ميّ! أنا كنت مستانسة لأني كنت طالبة 3 أو 4 جامعة و أستاذة ينادوني ! CooL
والله ان هالمجموعة أحبها ! من أفضل البرامج الي تطوعت فيها كانت الجلسة هذي!
رحنا بروفة مرة أو مرتين .. وناسة شعور حـــــــــــــــــلـــــــــــــــو ! مع إني مالي بالسياسة p: بس شعور الشي الرسمي المهم !
و لا الحلو بالموضوع، ان مرة كنت قاعده على كرسي، جان اييني واحد قالي: اختي انتي قاعده مكان رئيس الوزراء، حدج داشه بقوة D:
لما بدت الجلسة الصجية .. واااااااااااي ! والله ! والله مادري شلون أشرح ! هذول عيالنا الي دربناهم و قعدنا معاهم أيام و ليالي .. فخــــــــــــــــــــورين فيهم ! و الله أنا خنقتني العبـــــــرة حيل ! ياااي ! بردوا القلب .. و حدهم واثقين من نفسهم ! كلهم شجاعة و اخلاص و متحدثين .. و يهبلووووووووووون!
و الله أنا ليلحن على تواصل بطلبتي .. حدي أفتخر فيهم و بمعرفتهم .. الله يحفظهم من كل شر و يوفقهم يارب .. و أشكر دكتورتي من كل قلب إنها نادتي أدرب معاهم =)
مهنا القربة .. الحين يدرس طيران ب UK الله يفتح عليه .. و صاحب أغرب هواية في الكويت .. جمع العملات .. و شارك بمعارض وايد ما شاء الله : )
أحمد العلي .. هذا فوق الراس عاد ! الله يحفظه من كل شر يا رب .. اسم الله عليه و الله يقر عين أمه و أبوه فيه .. عضو و مشرف و رجل نشيط جداً في النادي العلمي .. و عنده أكثر من 5 براءات اختراع .. و أحمد الحين صار بزنسجي فحده على راسي P:
محمد الموسوي .. متحدث و عيار ما شالله عليه! يعرف يتكلم عدل عسى ربي يحفظه و يكفيه شر عيون الناس .. و الحين يدرس هندسة ..
حمد الشيخ .. حمد بوناشي .. نورة .. حنان الصليلي .. محمد الصايغ .. رقية العبدالجادر .. مريم الياسين .. بدر الحشاش .. رباب عبدالله .. نجمة الشمالي .. وغيرهم
وشوفوا الي يربطون بين كلام الي قبلهم وكلامهم هذول طلبتي
:p
ذربين صح
LOOL
والله كانت من أحلى المشاريع الي اشتغلت فيها =)
وأتمنى لهم التوفيق وأنا متيقنة ان كل واحد منهم راح يصير انسان عظيم لما يكبر : )
يوم الجلسة كان الأحد 26 / 11 / 2006
ملاحظة مهمة
عفيه ما ودنا نشوف تعليقات غير مقبولة عن الطلبة عفيه ^__^ لأنا ما نبي شي مو حلو عنهم بليز
😀
شكراً لكم
وترى أكو
ACTION
أترككم مع الفيديو ..
وأغلب الي حطيتهم اهما الي دربتهم
وطبعا يوتوب نحيس مايرضى احط اكثر من 10 دقايق !!
بســم الله الرحمن الرحيــم
واااااو بــرافووو برااافووو برااافوووو
حيل حيل عجبتني الجلسه
هذه واحده من أجمل جلسات مجلس الأمه
على فكره القضايا إلي أنطرحت قضايا جوهريــه و أمراض داخليــه صعب إن المجلس يناقشــها
جان زيــن يكون لها حل و هم جان زيــن نلقي طريقه نوصل رسائل الناس و الطلبه إلي السلطات العليا بسهوله و شفافيــه
براافو و الله شغل عدل ” مدل ”
كفووو
أنا تحمســـت
مع نووره
كفووو و الله صوت الشعب نوره
و الله البنت إلي تكلمت عن المدارس الخاصه و صح صح
أووووووووو
البــنت إلي تكلمت عن الأعلام و ظلمه للمعــلم براافو
هم نقطه الموهبه و تنميــتها
ما تعيــدونها
اوووفييه تحمست
ماشالله والله شي عجيب ..
أصلا يا مي هالمشروع مو يحقلج بروحج إنه ترفعين راسج ..
هذا شيء كلنا ككويتيين نفتخر فيه و تجربتنا الديموقراطية أكبر شي نفتخر فيه بين كل دول المنطقة .. صحيح إحنا البعض متفوق علينا إقتصاديا ..
و البعض متفوق علينا عسكريا ..
لكن إحنا متفوقين بإمتياز مع مرتبة الشرف بحرية التعبير و الديموقراطية ..
المتحدثين أجادوا بجدارة ماشالله و إنشالله نشوف على الأقل بعضهم و اهو يمثلنا مستقبلاً.
السلام عليكم ..
آآآه ذكرتييينا يا ميّ فيما مضى 🙂
تجربتي في الجلسة الطلابية البرلمانية من اروع التجارب اللي خضتها بحياتي ..
و الله كل فخر بتميزكم و تفانيكم بالعمل ..
لو نشوف اللي شاركوا في الجلسة الحين شنو صاروا ؟
– مهنا الغربة .. ما شاء الله عليه ببريطانيا طيران مثل ما قلتي.
– حمد بوناشي .. والله هالشاب مبدع مبدع مبدع ما شاء الله عليه توه في الصف الخامس او السادس لكن جرأته و ظهوره بارز في الحفلات الرسمية في إلقاء الشعر.
– محمد الصايغ .. لاحقني ليه الصف وياي 😛 .. مبدع كالعادة .
– نجمة الشمالي .. ما شاء الله كانت مبدعة في الجلسة و استكملت مشوارها في المجال الإعلامي الصراحة دهشت من ظهورها الله يحفظها .. و هذا لقاء وياها
http://www.alqabas.com.kw/Article.aspx?id=505167
– مشاعل العازمي .. و اقتحمت المجال الإعلامي و قاعد تقدم الحين برنامج استديو الأبطال على الراي.
– رباب عبدالله .. وايد اشوفها في المسابقات و المعارض العلمية و أخر شي شفت مقابلتها على صباح الوطن ما شاء الله عليها لاعبة المنتخب كرة السلة للبنات .
– و انا ماقصرتي يا ميّ على كلامج الطيب و عسى الله يحفظج ان شاء الله.
هالجلسة فعلا احتضنت مبدعييييين و ممييييييزييين !
فعلا اتمنى ان تتكرر مرة أخرى و أجلس المرة القادمة ليس بمكاني بالجلسة الطلابية بجانب الرئيس .. بل بمكان الرئيس 🙂
مرررررررررررررررررة حماااااااااس .. ياليت يسوون عندنا كذا ..
صج ما شا الله عليهم ويحفظهم .. ثقة وجرأة جدددددا عجيييبة .. الله معاهم ..
ويوفقهم ويحققون كل اللي يبونه .. ويعطيك العافية انت بعد ..
ومشكووورة انك علمتينا عنهم . صج يستاهلون كل خير ويرفعون الراس …
بورك لكم في شباب زي كذا .. ادامهم الله .. واكثر من امثالهم .. وامثالك ..
روعة، روعة! 😉
جربي موقع vimeo، يمكنك رفع ملف بأي طول، شريطة ألا يتعدى حجمه 500 ميغا.
متشوقة لرؤية الجلسة كاملة.
تحياتي. 🙂
راااائع ..رائع
هكذا تُصنع الأراوح الصغيرة ..لتصبح قائدة ورائدة 🙂
هذه التجارب هي المصنع الحقيقي للعظماء !!
دمت في طريق الخير مملوءة بالسعد 🙂
حمــــــــاس D: على قولة إخواننا الجداويين..
بصراحة كلهم على العين وعلى الراس..
وأحسدج على هالفرصة الحلوة 🙂 سبحان الله ساعات فيه أشياء ما نتوقعها تكون بهذه الروعة في تجربتها .. ونحمد الله في النهاية على إختياره لنا في عيشها..
شكرا على الموضوع 🙂
أختي مي، سلام الله عليكم
أحييك على ما تبذلينه في المدونة التي احس ان فيها ما يفيد رغم عدم فهمي للكثير مما يكتب
اللهجة صعبة جدا لتفهم من الجميع لذلك ارجوك ان تحاولي الكتابة بالفصحى.
الفيديو غير متاح للكثيرين وأنا من ضمنهم لانه على اليوتيب ولذلك ارجو وضع رابط الفيديو فيمكنني مشاهدته بعد حصولي على الرابط عن طريق موقع ثاني.
او يمكن توفير رابط اخر مثل ما فعلت بالتدوينة الصوتية.
اريد ان اتابع مدونتك ولكن مع اللهجة المحلية سوف يكون ذلك صعبا علي
دمت بالف خير و ربي يوفقك
السلام عليكم
ماشالله روعة تبارك الرحمن
نجمة الشمالي مذيعة اخبار بتلفزيون الكويت امس شايفتها 🙂
الله يحفظها ويوفقها ويوفق كل اللي كانو بالجلسة
مـــي فعل(ن) النقاط المذكورة موجودة في حياتنا وتحتاج لحل سريع…
شكر(ن) لكي للمجهود و يعطيك العافية
أخوكي / سعودي ليقو
أعجبنى جدا والفكرة ممتازة جدا
ما لفت انتبهاى هو الطفل حمد ، فهذا الطفل تتضح عليه فعلا علامات النبوغ ( بإذن الله يصير قصة تميز )
شكراً لتعليقاتكم النيرة .. وفرحتم بمثل هذا العمل دليل على رغبتكم السامية في فعل وتطبيق كل ما هو رائع في الكويت أو في أي دولة خليجية أو عربية .. حفظكم الله ووفقكم : ))
المهدي .. ساحاول ان شاء الله : ) أعتذر لكن أحياناً يطغى على مشاعري لهجتي فأنسى ! وشكراَ لإطرائك .. كتبت التدوينة الجديدة باللغة العربية الفصحى كلها ! ولو تلاحظ تدويناتي القديمة كلها باللغة العربية إلا ماندر 🙂
القطوية .. سأحاول ان شاء الله : ) شكراً لك